ملزمان کی پولیس پر فائرنگ، 3 ڈاکو زخمی حالت میں گرفتار
راولپنڈی (خبر نگار) تھانہ صدر بیرونی کے علاقہ میں رات گئے کار اور موٹر سائیکل پر سوار ملزمان کی پولیس پارٹی پر فائرنگ،فائرنگ کے دوران 3 ڈاکو زخمی حالت میں گرفتار کرلیے گئے۔۔۔
شہری سے کچھ دیر قبل چھینی گئی موٹر سائیکل اور 4روز قبل گن پوائنٹ پر چھینی گئی کار بھی برآمد کی گئی۔ ایس ایچ او اعزاز عظیم کے مطابق پولیس موٹر سائیکل سنیچنگ کی اطلاع پر سنیپ چیکنگ کیلئے موجود تھی کہ ملزمان نے پولیس پر فائرنگ کر دی، گرفتار ڈاکوؤں کی شناخت فرمان، سلیمان اور کاشف کے نام سے ہوئی، زخمی ملزمان ہسپتال منتقل کر دیئے گئے۔
روزنامہ دنیا ایپ انسٹال کریں
