این پی سی انتخابات:جرنلسٹ پینل ایگزیکٹو نشستوں پربھی کامیاب
اسلام آباد (خصوصی نیوز رپورٹر)نیشنل پریس کلب اسلام آباد کے سالانہ انتخابات میں صدر، سیکرٹری اور فنانس سیکرٹری کے بعد جرنلسٹ پینل نے ایگزیکٹو اور گورننگ باڈی کی تمام نشستیں بھی جیت کر مسلسل بیسویں بار کلین سویپ کیا۔
چیئرمین الیکشن کمیٹی عاصم قدیر رانا نے ممبران زاہد فاروق ملک، ناصر نقوی، عبدالرزاق سیال،حمید اللہ عابداور اکرم عابد کے ہمراہ انتخابی نتائج کا اعلان کیا، نائب صدر کی تین مردوں اور ایک خاتون کی نشست پر احتشام الحق نے 1207، سید ظفر ہاشمی نے 1005 ، شاہ محمد نے 984، سحر اسلم خان نے 1058ووٹ حاصل کرکے کامیابی سمیٹی۔ شیراز گردیزی نے 1271، عون شیرازی نے 1257، چودھری جاوید بھاگٹ نے 1079، سحرش قریشی نے 1343 ووٹ حاصل کرکے جوائنٹ سیکرٹری کی نشستیں جیتیں۔ گورننگ باڈی کے کامیاب امیدواروں میں عامر رفیق بٹ ، اظہار الحق، احمد منصور، عاصم جیلانی ،بابر ملک ، رضوان عباسی ، جعفر علی بلتی ، نوابزادہ خورشید ، شکیل اعوان ، عثمان خان ،راجہ ماجد افسر ، تنویر شہزاد ، زین ہاشمی ،نوید شیخ ، آسیہ کوثر اور فائزہ شاہ کاظمی شامل ہیں۔
