یوم تشکر ، راولپنڈی ویمن یونیورسٹی میں تقریب پرچم کشائی
راولپنڈی (خصوصی نامہ نگار )راولپنڈی ویمن یونیورسٹی میں یومِ تشکر کے حوالے سے تقریب کا انعقاد کیا گیا۔۔
وائس چانسلر پروفیسر ڈاکٹر انیلہ کمال نے قومی ترانے کی دھن پر پرچم کشائی کی جبکہ سکیورٹی گارڈز کے چاق و چوبند دستے نے گارڈ آف آنر پیش کیا۔ بعد ازاں اجتماعی دعا کی گئی ۔ تقریب سے خطاب کرتے ہوئے پروفیسر ڈاکٹر انیلہ کمال نے کہا کہ افواج پاکستان نے نہ صرف دشمن کو بدترین شکست سے ہمکنار کیا بلکہ دنیا کو بتا دیا کہ پاکستان اپنی خود مختاری کا ہر قیمت پر دفاع کرنا جانتا ہے ۔ ہم چاہتے ہیں کہ ہماری نوجوان نسل تعلیم کے میدان میں بھی دشمن کو شکست دے ، ہمیں سرحدوں کے ساتھ ساتھ دشمن کے خلاف ہر محاذ پر متحد اور پرعزم رہنا ہوگا۔ شرکا نے پاکستان زندہ باد اور افواج پاکستان پائندہ باد کے نعرے لگائے ۔
روزنامہ دنیا ایپ انسٹال کریں
