راجہ حنیف کا صفائی کیمپ کا دورہ، ویسٹ بیگز، پمفلٹس تقسیم
راولپنڈی (خصوصی نامہ نگار) چیئرمین وزیراعلیٰ پنجاب انسپکشن ٹیم راجہ حنیف نے عیدالاضحی کے حوالے سے راولپنڈی ویسٹ مینجمنٹ کمپنی کے صفائی آگاہی کیمپ کا دورہ کیا۔۔۔
جہاں انہوں نے شہریوں میں آلائشیں محفوظ طریقے سے ٹھکانے لگانے کیلئے بائیوڈیگریڈیبل ویسٹ بیگز اور آگاہی پمفلٹس تقسیم کیے۔ کمپنی کے چیف ایگزیکٹو آفیسر رانا ساجد صفدر نے بریفنگ میں بتایا کہ شہر بھر میں سینکڑوں ورکرز کی ڈیوٹیاں لگائی گئی ہیں اور قربانی کے جانوروں کی آلائشیں بروقت اٹھانے کیلئے 24/7مانیٹرنگ اور شکایات کے فوری ازالے کا مؤثر نظام فعال کر دیا گیا ہے۔ راجہ محمد حنیف نے کہا کہ صاف ستھرا ماحول مہذب معاشرے کی پہچان ہے اور عیدالاضحی کے موقع پر آلائشوں کو مناسب انداز میں ٹھکانے لگانا شہری اور مذہبی فریضہ ہے۔
روزنامہ دنیا ایپ انسٹال کریں
