بچوں کیلئے سپورٹس کمپلیکس کے دروازے کھول دیئے : رانا ثنا
اسلام آباد(سپورٹس رپورٹر)وزیراعظم کے مشیر برائے بین الصوبائی رابطہ رانا ثناء اللہ نے کہا کہ نوجوان ہمارا روشن مستقبل ہے، سرکاری سکولوں کے بچوں کیلئے سپورٹس کمپلیکس کے دروازے کھول دیئے گئے ہیں، وزیراعظم کی قیادت میں کھیلوں کی ترقی کیلئے کوشاں ہیں۔
ان خیالات کا اظہار انہوں نے سپورٹس کمپلیکس اسلام آباد میں سرکاری سکولز میں کھیلوں کا سامان تقسیم کرنے کی تقریب سے خطاب کرتے ہوئے کیا۔ رانا ثناء اللہ نے کہا ملک میں کھیلوں کے کلچر کو فروغ دینے کیلئے کوشاں ہیں، بچے کھیلوں کی سرگرمیوں میں بھرپور حصہ لیں، ہمیں مل کر مثبت معاشرہ پروان چڑھانا ہے۔ نوجوانوں کو ہر ممکن وسائل فراہم کریں گے، تقریب سے خطاب کرتے ہوئے ڈی جی پاکستان سپورٹس بورڈ یاسر پیرزادہ نے کہا سرکاری سکولوں کے طلباء میں پچیس ہزار ٹریک سوٹس تقسیم کیے جائیں گے، ہر طالب علم اپنی پسند کے کھیل میں شرکت کرے گا، پاکستان سپورٹس بورڈ طلباء کو کوچز بھی فراہم کرے گا۔
