چائلڈ لیبر کا خاتمہ،لیبر ڈپارٹمنٹ کیساتھ پولیس کو اختیار دیا جائے ، اقبال ڈیتھو
کراچی(این این آئی)چیئرمین سندھ ہیومن رائٹس کمیشن اقبال احمد ڈیتھو نے کہاہے کہ چائلڈ لیبر ہمارے معاشرے کا حصہ بن چکا ہے۔۔۔
اسکے خاتمے کیلیے پولیس کو اختیار دیا جائے ۔ کراچی میں گول میز کانفرنس سے خطاب کرتے ہوئے انہوں نے کہاکہ حکومت لیبر ڈپارٹمنٹ کے ساتھ پولیس کو اختیار دے تاکہ کارروائی ہوں۔انہوں نے مزید کہا کہ صوبائی اور وفاقی سطح پر کرمنل قوانین میں قانون سازی ہونی چاہیے ۔ چیئرمین سندھ ہیومن رائٹس کمیشن نے کہا کہ چائلڈ لیبر سے متعلق سندھ میں خصوصی طور پر قانون سازی ہونی چاہیے ۔ پانچ سال میں چائلڈ لیبر کمیٹی بھی قائم نہیں کی جاسکی۔ وکیل رہنما بیرسٹر ردا طاہر نے گول میز کانفرنس سے خطاب میں کہا کہ پاکستان میں چائلڈ لیبر کے قوانین کی پاسداری نہیں کی جا رہی۔ انہوں نے کہاکہ ناقابل ضمانت قانون بنا دیا جائے ، بچوں پر تشدد کے واقعات کو روکا جائے ۔
روزنامہ دنیا ایپ انسٹال کریں
