ایرانی صدر امت مسلمہ کے اتحاد کیلئے کوشاں تھے ،الطاف شکور
![ایرانی صدر امت مسلمہ کے اتحاد کیلئے کوشاں تھے ،الطاف شکور](https://dunya.com.pk/newweb/images/placeholders_gen_image.jpg)
کراچی(این این آئی)پاسبان ڈیموکریٹک پارٹی کے چیئرمین الطاف شکورنے ایران کے صدر ابراہیم رئیسی کی طیارہ حادثہ میں شہادت پر گہرے رنج و غم کا اظہار کرتے ہوئے اسے عالم اسلام کے لئے عظیم نقصان قرار دیا ہے ۔
انہوں نے کہا کہ مرحوم ایرانی صدر امت مسلمہ کے اتحاد کے لئے کوشاں تھے ۔ ان کا حالیہ دورہ سعودی عرب اس سلسلے کی کڑی تھا۔ ایران نے ہمیشہ دکھ سکھ میں پاکستان کا ساتھ دیا ہے ۔ ابراہیم رئیسی کی پاکستان آمد پر قوم نے ان کا دل سے استقبال کیا تھا۔ وہ صرف ایران نہیں بلکہ عالم اسلام کے ایک مقبول رہنما تھے ۔ ان کے انتقال نے امت مسلمہ کو ایک مضبوط و مدبر قائد اور ایک مخلص و توانا آواز سے محروم کر دیا ہے ۔ انہوں نے بے مثال جرات کا مظاہرہ کرتے ہوئے اسرائیل کو جارحانہ اقدام کا بھر پور جواب دیا تھا۔