حکومت کی جانب سے 77ہیٹ ویو مراکز اور کیمپس
کراچی (این این آئی)صوبے بھر میں شدید گرمی کی لہر کو نظر میں رکھتے ہوئے حکومت سندھ کی جانب سے کراچی بھر میں 77ہیٹ ویو مراکز اور کیمپس اور 41 فرسٹ ایڈ سینٹرز قائم کر دیئے گئے ہیں۔
حکومت سندھ کی جانب سے ضلع جنوبی میں 11، شرقی میں 18، غربی میں 6، سینٹرل میں 12، ملیر میں 15، کورنگی میں 8 اور کیماڑی میں 7 مراکز قائم کئے گئے ہیں۔ کراچی کے سول لائینز ڈویژن اور گارڈن سب ڈویژن میں تین میں 3، صدر اور آرام باغ سب ڈویژن میں دو دو ہیٹ ویو مراکز اور کیمپس قائم کیے گئے ہیں۔ اس طرح گلشن اقبال سب ڈویژن میں 4، فیروز آباد سب ڈویژن میں 2، جمشید کوارٹرز سب ڈویژن میں 6، گلزار ہجری سب ڈویژن میں 5 مراکز قائم کئے گئے ہیں۔ منگھو پیر سب ڈویژن میں 4، اورنگی اور نارتھ ناظم آباد سب ڈویژنز میں دو دو، گلبرگ سب ڈویژن میں 4 مراکز کا قیام عمل میں لایا گیا ہے ۔ نیو کراچی، لیاقت آباد اور نارتھ ناظم آباد سب ڈویژنز میں دو دو مراکز قائم کر دیئے گئے ہیں۔ ابراہیم حیدری سب ڈویژن میں 8، مراد میمن سب ڈویژن میں 3، بن قاسم اور ایئرپورٹ سب ڈویژنز میں دو مراکز قائم کئے گئے ہیں۔ کورنگی اور لانڈھی سب ڈویژنز میں دو دو، شاہ فیصل سب ڈویژن میں ایک، ماڈل کالونی سب ڈویژن میں تین مراکز قائم کئے گئے ضلع کیماڑی کے سب ڈویژنز کیماڑی اور ماڑیپور میں ایک ایک، بلدیہ سب ڈویژن میں دو اور سائیٹ سب ڈویژن میں تین مراکز قائم کئے گئے ہیں۔
