صارم برنی کی درخواست ضمانت،وکلا صفائی کا دلائل دینے سے انکار
کراچی(اسٹاف رپورٹر)ایڈیشنل ڈسٹرکٹ اینڈ سیشن جج نے بچوں کی اسمگلنگ اور دستاویزات میں ردوبدل کے مقدمے کی سماعت وکلا صفائی کی استدعا پر ملتوی کردی۔
ایڈیشنل ڈسٹرکٹ اینڈ سیشن جج شرقی کی عدالت کے روبرو بچوں کی اسمگلنگ اور دستاویزات میں ردوبدل کے مقدمے میں ملزم صارم برنی کی درخواست ضمانت کی سماعت ہوئی۔ وکلا صفائی کا درخواست ضمانت پر دلائل دینے سے انکار کردیا۔ وکلا نے موقف اختیارکیا کہ ہم لنک عدالت میں درخواست ضمانت پر دلائل دینا نہیں چاہتے ۔ ہم متعلقہ عدالت میں ہی درخواست ضمانت کی سماعت چاہتے ہیں۔ لنک جج نے ریمارکس دیئے کہ متعلقہ جج تو 25 جولائی تک چھٹی پر ہیں آپ دلائل شروع کریں۔ ملزم صارم برنی کے وکلا نے سماعت ملتوی کروانے کیلئے تحریری استدعا کردی۔
روزنامہ دنیا ایپ انسٹال کریں
