دبئی سے آنے والے مسافروں سے مہنگے فونز برآمد
کراچی(مانیٹرنگ ڈیسک)دبئی سے آنے والے مسافروں سے بڑی تعداد میں آئی فونز، لیپ ٹاپ اور دیگر اشیا برآمد کرلی گئیں۔
ڈپٹی کلکٹر کسٹمز فیصل خان کے مطابق مسافر قابل ڈیوٹی سامان کے ہمراہ گرین چینل کے ذریعے نکلنے کی کوشش کررہے تھے کہ حکام نے شک کی بنیاد پر دونوں مسافروں کو اسکیننگ کی غرض سے ریڈ چینل منتقل کیا۔فلائی دبئی کی پرواز 329 سے آنے والے شہروز اور سہیل امین نامی مسافروں نے اپنے سامان اور جسم میں 28عدد قیمتی آئی فونز چھپائے ہوئے تھے ۔ اس کے علاوہ ان سے 50کڑھائی شدہ سوٹ، 40بوتلیں پرائم واٹر، 2 قیمتی لیپ ٹاپ برآمد ہوئے ۔کسٹمز حکام نے دونوں مسافروں کے خلاف مقدمہ درج کرکے کارروائی شروع کردی ہے ۔
روزنامہ دنیا ایپ انسٹال کریں
