نادرا میگا مرکز میں سیلانی تھیلے سیمیا ڈیسک کا افتتاح آج کیاجائے گا
کراچی(سٹی ڈیسک)تھیلے سیمیا کے علاج او ر روک تھام میں سیلانی ویلفیئر انٹرنیشنل کی خدمات کو دیکھتے ہوئے پہلے مرحلے میں نادرا میگا سینٹر ، نزد صفورا چورنگی(یونی ورسٹی روڈ)میں سیلانی تھیلے سیمیا ڈیسک کا قیام عمل میں لایا جارہا ہے ۔
یونیورسٹی روڈ نادرا میگا مرکز میں سیلانی تھیلے سیمیا ڈیسک کا افتتاح بدھ (آج )کو شام 4 بجے ہوگا۔افتتاحی تقریب میں سیکریٹری صحت سندھ، ڈی جی نادرا پاکستان، سیکریٹری سندھ بلڈ ٹرانسفیوژن اتھارٹی ڈاکٹر در ناز جمال ، اور صدر سیلانی ویلفیئر امین لاکھانی بطور مہمانِ خصوصی شریک ہوں گے ۔