فلائی جناح نے دوسرے سال کا سنگِ میل عبور کرلیا
کراچی(پ ر)فلائی جناح، پاکستان کی کم قیمت ائرلائن، آج اپنی دوسری سالگرہ منا رہی ہے ۔
2022میں آپریشنز کے آغاز کے بعد سے ، فلائی جناح نے پاکستان کے اندر پانچ بڑے شہروں کراچی، لاہور، اسلام آباد، پشاور، اور کوئٹہ کو آپس میں جوڑنے والے مقامی روٹس پر خدمات فراہم کی ہیں۔ اب یہ ائرلائن اسلام آباد اور لاہور کو متحدہ عرب امارات کے شہر شارجہ کے ساتھ منسلک کرتی ہے اور اسلام آباد سے مسقط اور بحرین کے لیے بھی پروازیں چلاتی ہے ۔فلائی جناح کے ترجمان نے تبصرہ کرتے ہوئے کہا کہہمیں خوشی ہے کہ گزشتہ دو سالوں میں فلائی جناح کی مسلسل کامیابی اور ترقی نے ہمارے آپریشنل ماڈل کی موثریت کو ثابت کیا ہے ،ایئرلائن پاکستانی مارکیٹ میں اضافی قدر فراہم کرنے ، سفر اور سیاحت کے شعبوں کو فروغ دینے اورسستی سفری سہولتیں فراہم کرنے کیلئے پر عزم ہیں۔
روزنامہ دنیا ایپ انسٹال کریں
