زخمی حالت میں گرفتار ملزم کرمنل ریکارڈ یافتہ نکلا
کراچی(اسٹاف رپورٹر)کراچی کے علاقے کھارادر میں پولیس مقابلے کے دوران زخمی حالت میں گرفتار ملزم آصف کا کرمنل ریکارڈ سامنے آگیا۔
پولیس کے مطابق ملزم عادی/پیشہ ور ڈکیت اور اس سے قبل بھی متعدد مقدمات میں گرفتار ہوکر جیل جاچکا ہے ۔ملزم کے خلاف تھانہ ملیر کینٹ،عزیز بھٹی،سائٹ سپر ہائی وے میں مقدمات درج ہیں۔پولیس نے بتایا کہ ملزم کے خلاف ڈسٹرکٹ خیرپور کے تھانے میں بھی ایک مقدمہ درج ہے ۔ملزم پر غیر قانونی اسلحہ رکھنے اور ڈکیتیوں کے مقدمات درج ہیں۔ملزم کیخلاف مزید مقدمہ درج ودیگر کارروائی عمل میں لائی جا رہی ہے ۔
روزنامہ دنیا ایپ انسٹال کریں
