سرکاری ناکارہ گاڑیوں کی نیلامی کا فیصلہ
کراچی (آئی این پی )سندھ حکومت نے 106 ناکارہ سرکاری گاڑیوں کو نیلام کر نے کا فیصلہ کیا ہے ۔
تفصیلات کے مطابق ڈی ایم سی جنوبی گراؤنڈ میں موجود 106 گاڑیوں کو 27 فروری کو نیلام کیا جائے گا،گاڑیوں کی آکشن صبح 10 بجے ڈی ایم سی جنوبی گراؤنڈ کلفٹن میں ہوگی،گاڑیوں کی نیلامی کی منظوری سندھ کابینہ نے دی ہے ۔ نیلام کی جانیوالی گاڑیوں میں38 سوزوکی مہران 5 سوزوکی بولان ،سوزوکی مارگلہ 7 کرولا ایس ایل آئی 12 شامل ہیں، 5 نسان سنی اور 2 کیا سپورٹیج گاڑیاں بھی نیلام کی جائیں گی،13 سوزوکی کلٹس ،3سوزوکی خیبر،3 میتسوبشی لانسر،5 پروٹون بھی شامل ہیں۔ دوسری طرف سوزوکی بلینو دو سوزوکی آلٹو دو ،سوزوکی راوی، سوزوکی سوئفٹ ایک ایک گاڑی،پجیرو ایک مزدا ڈی کیبن ایک گاڑی ،ہونڈا سوک ایک اسوزو ایک گاڑی کو نیلام کیا جائے گا۔
روزنامہ دنیا ایپ انسٹال کریں
