کھلا مین ہول ایک اور بچے کو نگل گیا
کراچی(مانیٹرنگ ڈیسک)جمشید روڈ پر کھلے مین ہول میں گر کر محنت کش بچہ جاں بحق ہوگیا۔
تفصیلات کے مطابق جمشید روڈ پر قائم پٹرول پمپ کے سامنے گٹر کا ڈھکن نہ ہونے اور اندھیرے کی وجہ سے بچہ اندر گرا اور جاں بحق ہوگیا۔بچے کے گٹر میں گرنے کی اطلاع ملنے پر علاقہ مکین جمع ہوئے جبکہ ریسکیو حکام نے لاش کوجناح اسپتال منتقل کیا اور سڑک بند کر کے احتجاج کیا۔پولیس کی کارروائی کی یقین دہانی کے بعد مظاہرین نے احتجاج ختم کردیا۔اہل خانہ کے مطابق متوفی بچہ علی چپس فروخت کرتا تھا اور وہ کام کے بعد گھر جارہا تھا کہ راستے میں کھلے مین ہول میں گرگیا۔مکینوں کے مطابق متوفی بچے علی کے پانچ بہن بھائی ہیں۔
روزنامہ دنیا ایپ انسٹال کریں
