قرآن وسنت سے ٹکراؤ کا کوئی بل تسلیم نہیں،سنی تحریک
کراچی(اسٹاف رپورٹر)سربراہ پاکستان سنی تحریک شاداب رضا نقشبندی نے کہا ہے کہ قرآن وسنت سے ٹکراؤ کے کسی بل کو تسلیم نہیں کریں گے ۔
18 سال سے کم عمر کی شادی پر پابندی کا قانون قرآن وسنت کے خلاف ہے ، حکومت فوری ختم کرے ،قرآن وسنت کو نظر انداز کرکے قانون سازی غیر آئینی اور آئین کی روح کے منافی ہے ،اسلام سب سے زیادہ بچوں اور بچیوں کو ان کے حقوق دیتا ہے اور تحفظ فراہم کرتا ہے ،اسلامی شناخت کو ختم ہونے نہیں دیں گے ، قرآن وسنت کے منافی شادی میرج بل کو مسترد کرتے ہیں،ہمارے لئے سپریم لاء قرآن وسنت ہے اس کے منافی کسی بل کو تسلیم نہیں کر یں گے ۔ان خیالات کا اظہار انہوں 18سال سے کم عمرکی شادی پر پابندی کے بل کو مسترد کرتے ہوئے کیا۔ شاداب رضا نقشبندی نے کہا کہ اسلام منافی بل کے ذریعے جائز نکاح میں رکاوٹ ڈالی جارہی ہے ،متنازعہ بل ملک میں سیکولر ازم اور فحاشی کو جنم دینگے ،حکومت فوری طور پر شادی بل کو ختم کرکے قرآن وسنت کی روشنی میں قانون سازی کرے ۔پاکستان سنی تحریک کے علماء بورڈ کو بھی متنازعہ شادی بل کے حوالے رجوع کیا ہے ، اس کی مکمل تحقیقات کرے گا،علماء بورڈ کے موقف کو میڈیا کے سامنے لائینگے ۔شاداب رضا نقشبندی نے مزید کہا کہ پاکستان کا آئین بھی شریعت سے متنازعہ بل کی اجازت نہیں دیتا حکومت فوری طور پر اس بل کو ختم کرکے شریعت کی روشنی میں قانون سازی کرے ۔
