فوتگی کوٹے پر بھرتی نہ ہونے سے 150بچے اور بیوائیں محروم
کراچی(این این آئی)پیپلز یونائیٹڈ لیبر الائنس کے جنرل سیکریٹری اکرام خان نے کہا ہے کہ کراچی واٹر اینڈسیوریج کارپوریشن میں 2020 سے فوتگی کوٹے پر بھرتی نہ ہونے سے 150 سے زائدوفات یافتہ ملازمین کی بیوائیں اور بچے ملازمتوں سے محروم ہیں۔
جبکہ حکومت سندھ کی جانب سے گریڈ ایک تا گریڈ چار کی بھرتی پر پابندی کے خاتمے کے بعد کئی محکموں اور اداروں میں بھرتی کا سلسلہ شروع کردیا گیا ہے لیکن واٹر کارپوریشن میں بھرتی کا عمل شروع نہ ہونے سے افرادی قوت کی شدید کمی کا سامنا کرنا پڑرہا ہے ۔جس سے کام بھی متاثر ہوریا ہے ۔
روزنامہ دنیا ایپ انسٹال کریں
