الحمرا آرٹ گیلری میں کشمیر بارے نمائش کاافتتاح
لاہور (سیاسی رپورٹرسے ) صوبائی وزیر اطلاعات وثقافت عامر میر نے کہا ہے کہ پوری قوم کشمیریوں کے شانہ بشانہ کھڑی ہے ، کشمیریوں کی قربانیاں رائیگاں نہیں جائیں گی،کشمیرکی آزادی کا سورج ایک دن ضرور طلوع ہوگا۔
ان خیالا ت کا اظہار انہوں نے یوم یکجہتی کشمیر کے حوالے سے الحمرا آرٹ گیلری میں منعقدہ نمائش کے افتتاح کے موقع پر کیا۔اس موقع پر صوبائی سیکرٹری انفارمیشن اینڈ کلچر علی نواز ملک اور ایگزیکٹوڈائریکٹر الحمرا ذوالفقار علی زلفی بھی موجود تھے ۔ نمائش میں یوم یکجہتی کشمیر کے موضوع پر 70سے زائد آرٹسٹو ں کی بنائی گئی تصاویر رکھی گئیں۔
روزنامہ دنیا ایپ انسٹال کریں
