عالمی بینک نے معیشت بارے درست نشاندہی کی:تاجر
لاہور( کامرس رپورٹر)آل پاکستان انجمن تاجران کے مرکزی صدر اشرف بھٹی نے کہا عالمی بینک کی جانب سے پاکستانی معیشت کی بہتری کے حوالے سے جن نکات کی نشاندہی کی گئی ہے ان میں بعض انتہائی اہمیت کے حامل ہیں۔
عالمی بینک کے ’’میثاق معیشت‘‘کو پس پشت ڈالنے کی بات سے اتفاق نہیں کیا جا سکتا کیونکہ پاکستان کی معیشت کو چلانے کیلئے پالیسی سازوں اور سیاسی جماعتوں کو آخر کاراس میثاق پر متفق ہونا پڑے گا ۔ اپنے بیان میں اشرف بھٹی نے کہا کہ عالمی بینک نے پانچ بڑے شعبوں پر توجہ دینے کیلئے اصلاحات اور ٹیکس نظام کے حوالے سے درست نشاندہی کی ہے ، پاکستان میں ساڑھے 12کروڑ افراد کا غربت کے دائرے میں آنا انتہائی تشویشناک ہے جبکہ بیروزگاری کی شرح د گنی ہوکر12.2فیصد ہوگئی ہے ۔انہوں نے کہا عالمی بینک نے کہا ہے کہ جنرل سیلز ٹیکس پر انحصار کم کیا جائے جو درست ہے ، مطالبہ ہے براہ راست ٹیکس لگایا جائے لیکن اس کی شرح کم ہونی چاہیے تاکہ زیادہ سے زیادہ لوگ ٹیکس نیٹ میں آئیں۔
