میٹرو ٹرین کو بجلی فراہمی کے انتظامات مکمل نہ ہوسکے
لاہور(شیخ زین العابدین)میٹرو اورنج لائن ٹرین کو تاحال بجلی کی مکمل سپلائی کا انتظام نہ کیا جاسکا، لیسکو کے ساتھ باقی کنکشنز کی فراہمی سے متعلق بھی معاملات طے نہ پاسکے۔
تفصیلات کے مطابق ملتان روڈ پر بننے والے گرڈ سٹیشن پر بجلی کا بیک اپ موجود نہیں ہے ، ملتان روڈ گرڈ سٹیشن پر جنریٹرز ابھی غیر فعال ہیں، میٹرو اورنج لائن ٹرین کو تاحال بجلی کی مکمل سپلائی کا انتظام نہ کیا جاسکا، اورنج ٹرین کو بجلی فراہم کرنے کے لیے گرڈ سٹیشن کی نامکمل تعمیر اور بجلی کے کنکشن بھی مکمل فراہم نہیں ہوسکے ، جی ٹی روڈ پر بنے گرڈ سٹیشن کو ابھی چار بجلی کے کنکشن مل سکے ہیں، جی ٹی روڈ اورنج ٹرین گرڈ سٹیشن کو مزید دو کنکشن درکار ہیں، ایل ڈی اے کی جانب سے گرڈ سٹیشن کا سول ورک مکمل کر دیا گیا ہے ، لیسکو کے ساتھ باقی کنکشنز کی فراہمی سے متعلق بھی معاملات طے نہ پاسکے، اورنج ٹرین کو بجلی کی سپلائی دینے کے لیے گرڈ سٹیشن بھی مکمل فعال نہیں، اورنج ٹرین کو بجلی کی سپلائی کے لیے آٹھ گرڈ سٹیشن تعمیر کیے جانے تھے، دو سال بعد بھی اورنج ٹرین کے آٹھ گرڈ سٹیشنز کو فعال نہ کیا جاسکا، اورنج ٹرین کو آپریشنل کرنے کے لیے چھ گرڈ سٹیشن تعمیر کیے گئے، لیسکو نے اورنج ٹرین کے دو گرڈ سٹیشن تعمیر کرنے کے لیے تاحال ٹینڈر ہی نہیں لگائے، اورنج ٹرین کے چھ تعمیر ہونے والے گرڈ سٹیشن میں ایک فنی خرابی کا شکار ہے، اورنج ٹرین کو بجلی کی سپلائی پانچ گرڈ سٹیشن سے دی جارہی ہے ،جی ایم آپریشنز ماس ٹرانزٹ اتھارٹی کا کہنا ہے کہ مکمل بجلی کی فراہمی کے لئے کوشش جاری ہے۔لیسکو کو باقی ماندہ دو گرڈ سٹیشن بھی فعال کرنے کی استدعا کی ہے۔
