پنجاب پولیس کے ترقیاتی بجٹ میں بھی کمی
لاہور(مدثر حسین سے) پنجاب پولیس کے ترقیاتی بجٹ میں بھی کٹوتی کر دی گئی،گزشتہ مالی سال کی نسبت 2 ارب کا بجٹ کم کر دیا گیا۔ زیادہ تر کٹوتی نئی سکیموں میں کی گئی۔
ذرائع کے مطابق بجٹ میں ترقیاتی سکیموں کیلئے 6 ارب مختص کئے گئے ہیں۔ پنجاب پولیس کی طرف سے نئی سکیموں کیلئے 3 ارب بجٹ مانگا گیا ۔پنجاب حکومت نے صرف 1 ارب 80 کروڑ کی سکیمیں شامل کی ہیں ۔گزشتہ مالی سال پنجاب پولیس کو 8 ارب روپے کا ترقیاتی بجٹ جاری ہوا تھا۔