وزیر زراعت کی زیر صدارت ایگریکلچر ہاؤس میں اجلاس
لاہور (کامرس رپورٹر) وزیراعلیٰ پنجاب کے ویژن کے مطابق ٹرانسفارمنگ پنجاب ایگریکلچر پلان کی ٹائم لائنز پر من و عن عمل درآمد کیا جائے۔
موجودہ حکومت کا کسان پیکیج زرعی ترقی اور کاشتکاروں کی خوشحالی کے لیے انتہائی ناگزیر ہے۔ ان خیالات کا اظہار وزیر زراعت و لائیو سٹاک پنجاب سید عاشق حسین کرمانی نے ایگریکلچر ہاؤس میں اجلاس کی صدارت کے دوران کیا۔ اس موقع پر بریفنگ کے دوران وزیر زراعت و لائیو سٹاک پنجاب کو بتایا گیا اب تک کسان کارڈ کے لئے 2 لاکھ 20 ہزار سے زائد درخواستیں موصول ہوئی ہیں جن کی سکروٹنی کے بعد 1 لاکھ 5 ہزار درخواستیں منظورکی جا چکی ہیں۔صوبائی وزیر نے مزید کہا کسان کارڈ کے لئے رجسٹرڈ ڈیلرز کی رجسٹریشن کا عمل جلد از جلد مکمل کیا جائے ۔ ا نہوں نے کہا چھوٹے کاشتکاروں کو گرین ٹریکٹرز 70 فیصد سبسڈی پر فراہم کئے جائیں گے ۔ اس کے علاوہ وزیر اعلیٰ پنجاب گرین ٹریکٹر سکیم کی ڈلیوری سے قبل ٹریکٹرز کی رجسٹریشن ایکسائز اینڈ ٹیکسیشن ڈیپارٹمنٹ میں کرائی جائے ۔ انہوں نے واضح کیا کہ گرین ٹریکٹر سکیم کے حصول کے لئے کاشتکاروں کے پاس کسان کارڈ کا ہونا لازمی ہے۔