انسداد سموگ اقدامات: نومبر، دسمبر میں ممکنہ سمارٹ لاک ڈاؤن
لاہور(عمران اکبر)انسداد اسموگ اقدامات کے لئے نومبر اور دسمبر میں سمارٹ لاک ڈاؤن لگانے کا انکشاف ہوا ہے۔ نجی و سرکاری ٹرانسپورٹ معمول کے مطابق چلے گی۔
ذرائع نے مزید بتایا سبزی منڈیاں، فارمیسیز، بیکریاں، مٹن، بیف، چکن و دودھ کی دکانیں، سٹورز، تنور، پٹرول پمپس، پنکچر شاپس اور کریانہ سٹورز کھلے رہیں گے۔ ہفتے کے روز سرکاری و نجی سکولز، کالجز، جامعات بند رہیں گی۔ ذرائع کے مطابق ہفتے کو بڑی چھوٹی مارکیٹس، جم، سینماؤں کو سہ پہر 3 بجے کے بعد کام کرنے کی اجازت ہوگی البتہ الائیڈ محکمے معمول کے مطابق کھلیں گے۔ ہفتے کے روز نجی دفاتر بھی 3 بجے کے بعد کھل سکیں گے، محدود نقل و حرکت کا اطلاق پنجاب کے 10 اضلاع پر ہوگا جن میں لاہور، ننکانہ صاحب، شیخوپورہ، قصور، گوجرانوالہ، گجرات، سیالکوٹ، نارووال، حافظ آباد اور منڈی بہاؤالدین شامل ہیں۔
روزنامہ دنیا ایپ انسٹال کریں
