غیر رجسٹرڈ سکول اور اکیڈمیاں سربمہرکرنے کا فیصلہ
لاہور(ایجوکیشن رپورٹر)غیر رجسٹرڈ سکولوں اور اکیڈمیوں کو سیل کرنے کا فیصلہ کرلیا گیا ۔ایجوکیشن اتھارٹی لاہور نے ڈی ای اوز، ڈپٹی ڈی ای اوز اور اے ای اوز کی سربراہی میں کمیٹیاں تشکیل دے دیں۔
تحصیل لیول پر ڈپٹی ڈی ای اوز پرائیویٹ اکیڈمیوں اور سکولوں کی مانیٹرنگ کریں گے ۔مرکز لیول پر اے ای اوز 4 ہزار سے کم فیس والے پرائیویٹ سکولز و اکیڈمیز کا ڈیٹا چیک کریں گے ۔غیر رجسٹرڈ اداروں کو فوری سکول ایجوکیشن ڈیپارٹمنٹ سے رجسٹرڈ کر ایا جائے گا۔رجسٹریشن نہ کر انے والے اداروں کو سیل کردیا جائے گا۔مانیٹرنگ ٹیمیں فیس سٹرکچر، بلڈنگ فٹنس،رجسٹریشن کا جائزہ لیں گی۔سی سی ٹی وی کیمرے ، سکیورٹی اور 8 فٹ اونچی دیواروں کو بھی چیک کیا جائے گا۔
روزنامہ دنیا ایپ انسٹال کریں
