ڈی سی کی زیر صدارت عیدالاضحی انتظامات بارے اجلاس
قصور(خبرنگار)ڈپٹی کمشنر عمران علی کی زیر صدارت عیدالاضحی 2025 کے انتظامات سے متعلق اجلاس ہوا،جس میں ایڈیشنل ڈپٹی کمشنر جنرل سلمون ایوب، ڈپٹی ڈائریکٹر ڈویلپمنٹ سعدبن شبیر۔۔۔
ایم آر او میونسپل کمیٹی چودھری اشرف گجر، ڈی او آئی پی ڈبلیو ایم اور ڈی او لائیو سٹاک سمیت دیگر متعلقہ افسر شریک ہوئے، اجلاس میں قربانی کے جانوروں کی فروخت کے لیے ضلع بھر میں سیل پوائنٹس کے قیام اور موثر انتظامات سمیت عید قرباں کے پُرمسرت موقع پر شہریوں کو فراہم کی جانیوالی سہولیات، مویشی منڈیوں کے قیام، صفائی، ٹریفک مینجمنٹ اور دیگر انتظامات پر تفصیلی غور کیا گیا، اس موقع پر ڈپٹی کمشنر عمران علی نے متعلقہ افسروں کو مویشی منڈیوں کے قیام اور وہاں سہولیات کی فراہمی کو حتمی شکل دینے کی ہدایت کرتے ہوئے کہا کہ منڈیوں میں عوام اور بیوپاریوں کو تمام بنیادی سہولیات کی فراہمی کو ہر قیمت پر یقینی بنایا جائے ، مویشی منڈیوں میں لائٹس، صفائی ستھرائی اور سکیورٹی کے خصوصی انتظامات کئے جائیں،امسال مویشی منڈیوں کے علاوہ گلی محلوں یا دیگر مقامات پر مویشیوں کی خریدوفروخت کی ہرگز اجازت نہ دی جائے گی، خلاف ورزی پر سخت ایکشن لیا جائے گا۔
