فاطمہ جناح میڈیکل یونیورسٹی سنڈیکیٹ اجلاس ،اہم امور منظور
لاہور(اپنے سٹاف رپورٹر سے)صوبائی وزیر صحت خواجہ سلمان رفیق کی زیر صدارت فاطمہ جناح میڈیکل یونیورسٹی میں 40 واں سنڈیکیٹ اجلاس ہوا۔
اجلاس کے آغاز میں حکومت اور افواج پاکستان کی کاوشوں کو خراج تحسین پیش کیا گیا۔رجسٹرار یونیورسٹی نے ایجنڈے پیش کئے ۔ 39 ویں سینڈیکیٹ اجلاس کے منٹس کی منظوری دے دی گئی۔اجلاس کے دوران میڈیکل ایجوکیشن، ایناٹونی اور کمیونٹی میڈیسن میں پی ایچ ڈی جبکہ ہیلتھ پروفیشنز ایجوکیشن میں ماسٹرز کے کری کولا کی منظوری دی گئی۔اجلاس کے دوران یونیورسٹی کی مختلف پوسٹوں پر 11 ملازمین کے کنٹریکٹ میں توسیع کی منظوری دی گئی۔ یونیورسٹی کو ایڈہاک کی بنیاد پر ملازمین کی تعیناتی ،پنجاب تھیلیسیمیا اینڈ جنیٹک ڈس آرڈر پری وینشن اینڈ ریسرچ انسٹی ٹیوٹ کو ڈی این اے اینڈ ہیماٹولوجی لیب کیلئے کٹس کی خریداری کی منظوری بھی دی گئی۔ سرگنگارام ہسپتال کو نیوروسرجری ڈیپارٹمنٹ کی سی آرم مشین امیج انٹینسی فائر، مدر اینڈ چائلڈ ہسپتال کے آئی سی یو کی 16 ڈائیلسز مشینوں اور ایک آر او پلانٹ جبکہ سی ایس ایس ڈی مشینوں کی مرمت و مینٹیننس کے ٹینڈر کی اجازت دی گئی۔ سرگنگارام ہسپتال کو بلک میڈیسن کی خریداری کے فریم ورک کنٹریکٹ کو ری ٹینڈر کرنے کی اجازت بھی دی گئی۔ اجلاس کے دوران سرگنگارام ہسپتال کو طبی سامان کی خریداری، سکیورٹی سروسز کے ٹینڈر کی منظوری اور جینیٹوریل سروسز کے ٹینڈر کی اجازت دی گئی۔ اجلاس میں رکن پنجاب اسمبلی کنول پرویز ، وائس چانسلر پروفیسر خالد مسعود گوندل، وائس چانسلر یونیورسٹی آف ہیلتھ سائنسز پروفیسر احسن وحید و دیگر نے شرکت کی۔
