چالان کیلئے بطور ثبوت ٹریفک وارڈنز کی وردی کے ساتھ کیمرے منسلک
لاہور(اے پی پی)چیف ٹریفک آفیسر لاہور اطہر وحید نے کہا اب بغیر ثبوت چالان نہیں ہوں گے، ٹریفک وارڈنز کی وردی کے ساتھ کیمرے منسلک کر دئیے گئے۔
سی ٹی او نے مزید کہا دوران ڈیوٹی کار سرکار میں مداخلت کرنے والوں کے خلاف قانونی کارروائی میں ان کیمروں کی ویڈیو مددگار ثابت ہوگی ،باڈی کیمروں کی مدد سے سڑکوں پر احتجاج، جلوس اور دیگر مسائل کا جائزہ بھی لیا جا سکتا ہے ۔ یونیفارم سے منسلک کیمروں کی مدد سے ٹریفک سٹاف کی ڈیوٹی پوزیشن کے بارے میں بھی فوری آگاہی ملے گی۔ ابتدا میں مال روڈ پر تعینات ٹریفک وارڈنز کو باڈی کیمز لگائے گئے ہیں۔
روزنامہ دنیا ایپ انسٹال کریں
