پیف پارٹنر سکولوں کیلئے نئے ایس او پیز جاری
لاہور(خبرنگار)مڈل اور سیکنڈری سکولوں میں طالبات کے فی میل اور طلباکے لیے میل ٹیچر رکھیں، پنجاب ایجوکیشن فاؤنڈیشن نے پارٹنرز سکولوں کے لیے نئے ایس او پیز جاری کردیے۔
سکولوں میں سکیورٹی گارڈ رکھے جائیں۔ پیف کے مراسلے میں مزید کہا گیا ہے کہ طلبہ کو محفوظ ماحول یقینی بنانے کے لیے سی سی ٹی وی کیمرے لگائے جائیں۔ اساتذہ ،سٹاف اور طلبہ کے درمیان غیر ضروری رابطے کی حوصلہ شکنی کی جائے۔ چھٹی کے بعد طلبہ کو سکول میں بلا جواز روکنے سے منع کیا جائے ۔والدین کے انتظار کے لیے مناسب جگہ رکھی جائے ۔کسی سکول میں غیر اخلاقی ، قابل اعتراض حرکت کی شکایت ہوئی تو مذکورہ لائسنس ہولڈر کے خلاف کارروائی ہوگی۔
روزنامہ دنیا ایپ انسٹال کریں
