نیوز الرٹ
  • بریکنگ :- وزیراعظم سےاوآئی سی کےانسانی حقوق کمیشن کےوفدکی ملاقات
  • بریکنگ :- وزیراعظم کاکشمیرمیں بھارتی مظالم پراظہار تشویش
  • بریکنگ :- وزیراعظم کی مقبوضہ کشمیرمیں بھارتی بربریت کی مذمت
  • بریکنگ :- بھارتی مظالم اجاگرکرنےمیں انسانی حقوق کمیشن کاکردارقابل تعریف ہے،وزیراعظم
  • بریکنگ :- مسلم امہ کےمسائل کےحل کیلئےاسلامی ممالک کومتحدہوناچاہیے،وزیراعظم
Coronavirus Updates

ڈپٹی کمشنر ملتان کا ویکسی نیشن نہ کرانیوالے سرکاری ملازمین کی تنخواہیں بند کرنیکا عندیہ

ڈپٹی کمشنر ملتان کا ویکسی نیشن نہ کرانیوالے سرکاری ملازمین کی تنخواہیں بند کرنیکا عندیہ

دنیا اخبار

کورونا ویکسی نیشن نہ کرنے والوں کے خلاف سخت اقدامات کا فیصلہ،سرکاری ملازمین کو جمعرات تک کی ڈیڈ لائن دیدی گئی عملدرآمد نہ کر نے پر کارروائی کی جائے گی ، علی شہزاد

ملتان( نیوز رپورٹر)ضلعی انتظامیہ نے حکومت پنجاب کی طرف سے کورونا ویکسی نیشن کے لئے دئے گئے ہدف کے حصول کے لئے کوششیں تیزکر دی ہیں۔ دوسری جانب کورونا ویکسی نیشن نہ کرنے والوں کے خلاف سخت اقدامات کا فیصلہ کیا گیا ہے اور ڈپٹی کمشنر علی شہزاد نے ویکسی نیشن نہ کرانیوالے سرکاری ملازمین کی تنخواہیں بند کرنے کا سگنل دے دیا ہے ۔ویکسی نیشن مہم کے فوکل پرسن و ایڈیشنل ڈپٹی کمشنر ہیڈکوارٹر رانااخلاق احمد خان نے تمام سرکاری ملازمین کو جمعرات تک ویکسی نیشن کرانے کی ڈیڈ لائن دیتے ہوئے کہا ہے کہ جمعرات تک کورونا ویکسی نیشن نہ کرنے والے ملازمین کے خلاف کارروائی شروع کر دی جائے گی۔انہوں نے کہا ہے کہ تمام افسران اپنے محکموں کے ملازمین کی ویکسی نیشن بارے سرٹیفکیٹ ڈی سی آفس جمع کرائیں گے ۔اس کے علاوہ اس حوالے سے نادرا سے بھی ڈیٹا حاصل کیا جائے گا۔انہوں نے واضح کیا کہ کورونا ویکسی نیشن نہ کرانے والے ملازمین کی تنخواہیں روک لی جائیں گی۔ایڈیشنل ڈپٹی کمشنر نے کہا ہے کہ ویکسی نیشن نہ کرانے والے عام شہریوں کو بھی سماجی پابندی کا سامنا کرنا پڑ سکتا ہے ،حکومت ویکسی نیشن نہ کرانیوالوں کے شناختی کارڈ اور موبائل سمز بلاک کردینے بارے غور کررہی ہے رانا اخلاق احمد خان نے کہا کہ اتوار کی چھٹی کے باوجود کمشنر و ڈی سی آفس،واسا،پی ایچ اے کے ملازمین کی رضا ہال اور محکمہ ایکسائز اور کڈنی سنٹر کے ملازمین کی ویکسی نیشن ان کے دفاتر میں کی گئی۔انہوں نے بتایا کہ گزشتہ 24 گھنٹوں کے دوران ضلع میں 11936 افراد کی کورونا ویکسی نیشن کی گئی جبکہ ضلع ملتان میں ابتک2 لاکھ62 ہزار680 افراد کی کورونا ویکسی نیشن کی جا چکی ہے ، اے ڈی سی نے بتایا کہ آئندہ ہفتے مہم میں مزید تیزی لائے جائے گی۔

Advertisement
روزنامہ دنیا ایپ انسٹال کریں