خانیوال،فوڈ اتھارٹی کی غفلت،غیر معیاری ٹافیوں کی فروخت
خانیوال(ڈسٹرکٹ رپورٹر،نامہ نگار) ڈسٹرکٹ فوڈ اتھارٹی کی غفلت کے باعث خانیوال شہر او رگردونواح میں انتہائی غیر معیاری گولی ٹافی،پاپڑ،سلانٹی کی فروخت کے۔۔
باعث بچے مختلف بیماریوں کا شکار ہونے لگے تفصیل کے مطابق خانیوال شہر اور گردونواح کے علاقوں میں غیر تصدیق شدہ اور جعلی اشیائے خورونوش کی بھرمار ہے دکاندار کھلے عام جعلی کمپنیوں کا غیر معیاری مال فروخت کررہے ہیں مزیدیہ کہ بچوں کی سلانٹی کے پیکٹ درج شدہ مینو فیکچرنگ تاریخ سے قبل ہی مارکیٹ میں فروخت کیلئے دستیاب ہیں شہریوں کا کہنا ہے کہ غیر معیاری مضر صحت اشیائے کے کھانے سے ان کے بچے بیمار پڑرہے ہیں جبکہ انتظامیہ کی جانب سے مارکیٹ میں کوئی چیک کرنے والا نہیں جعلی کمپنیوں کا مال مشہور برانڈ کے لیبل لگاکر سرعام فروخت کیا جارہا ہے عوامی وسماجی حلقوں نے ڈپٹی کمشنر سے نوٹس لینے کامطالبہ کیاہے ۔
روزنامہ دنیا ایپ انسٹال کریں
