گندم کی فی ایکٹر پیداوار بڑھانے کیلئے منصوبہ پر عمل جاری
ملتان( وقائع نگار خصوصی ) ترجمان محکمہ زراعت پنجاب کے مطابق صوبہ میں فوڈ سکیورٹی کو یقینی بنانے کیلئے 12 ارب روپے کی خطیررقم سے گندم کی فی ایکڑ پیداوار میں اضافہ کے قومی منصوبہ پر عملدرآمد جاری ہے ۔
امسال اس منصوبہ کے تحت پنجاب کے نہری اور بارانی علاقوں میں نمائشی پلاٹ کی کاشت کے لئے محکمہ زراعت نے کاشتکارو ں سے درخواستیں مطلوب ہیں۔ نہری علاقوں کے ایسے مرد و خواتین کاشتکار جو5سے 12.5ایکڑ تک اور بارانی علاقوں میں 5 سے 25ایکڑ تک قابلِ کاشت کے مالک ہوں درخواست دینے کا اہل ہوں گے ایک ایکڑ نمائشی پلاٹ کے اخراجات20ہزار روپے فراہم کئے جائیں گے ۔قرعہ اندازی میں کامیاب کاشتکار محکمہ زراعت کی سفارشات کے مطابق پلاٹ کاشت کرنے کے پابند ہوں گے۔
روزنامہ دنیا ایپ انسٹال کریں
