انتخابات:ضلعی انتظامیہ نے تیاریاں شروع کردیں
خانیوال (ڈسٹرکٹ رپورٹر،نامہ نگار )الیکشن کمیشن آف پاکستان کی ہدایت پر آئندہ عام انتخابات کیلئے ضلعی انتظامیہ نے تیاریاں شروع کردیں۔۔
ڈپٹی کمشنر وسیم حامد سندھو کی زیر صدارت اس ضمن میں جائزہ اجلاس میں ڈی پی او رانا عمر فاروق ڈسٹرکٹ الیکشن کمشنر سردار مظہر حسین،اے ڈی سی جی اعتزاز انجم،سی ای او ہیلتھ آرٹی اے ،محکمہ تعلیم کے افسروں نے شرکت کی- ڈپٹی کمشنر کا شرکاء سے خطاب کرتے ہوئے کہنا تھاکہ آئین پاکستان کے تحت ضلعی انتظامیہ کے تمام ادارے قومی فرض کی ادائیگی کیلئے الیکشن کمیشن سے تعاون کرینگے -پولنگ سٹاف کی تعیناتی کے لئے تمام ورک مکمل کرلیا گیا ہے -انہوں نے سیکرٹری آرٹی اے کو ٹرانسپورٹیشن پلان رواں ہفتے فائنل کرنے بھی ہدایت کی-ڈی پی او رانا عمر فاروق نے کہا کہ ڈسٹرکٹ پولیس کی طرف سے آئندہ عام انتخابات کے پر امن انعقاد کے لئے فول پروف سکیورٹی پلان تشکیل دیاجائیگاضلع کے تمام حساس پولنگ سٹیشنز کی سی سی ٹی وی کیمروں کے ذریعے مانیٹرنگ کی جائیگی-ڈسٹرکٹ الیکشن کمشنر سردار مظہر حسین نے بتایا کہ ضلع کے 4 قومی اور 8 صوبائی حلقوں کیلئے 1452 پولنگ سٹیشنز قائم کیئے جائینگے ۔
