پاکستان خون کے آخری قطرے تک کشمیریوں کیساتھ،خالد رضا
ملتان(لیڈی رپورٹر)منیجنگ ڈائریکٹر واسا خالد رضا خان کی ہدایت پر یوم یکجہتی کشمیرکے حوالے سے واسا افسر وملازمین نے بڑی تعداد میں رضا ہال میں منعقد سیمینار میں شرکت کی کشمیریوں سے اظہار یکجہتی کے لیے شرکاء نے کشمیر بنے گا پاکستان اور کشمیروں کے لیے خون کے آخری قطرے تک لڑیں گے ۔
نعروں پر مشتمل پینا فلیکس اور جھنڈے اٹھا رکھے تھے ۔اس دوران شرکاء نے مقبوضہ کشمیر میں بھارتی فوج کی بربریت کی شدید مذمت کرتے ہوئے وزیراعظم نریندرمودی کے خلاف فلک شگاف نعرے لگائے اس موقع پر ایم ڈی واسا خالد رضا خان اپنے ایک پیغام میں کہا کہ جموں وکشمیر پر بھارت کے غاصبانہ قبضے کو آج 77 برس ہو چکے ہیں بھارتی حکومت نے مقبوضہ جموں و کشمیر کی خصوصی حیثیت کو ختم کر کے دہشت گردی کا مظاہرہ کیا ہے اور مقبوضہ کشمیر میں بھارتی حکومت کی طرف سے کئے جانے والے مظالم پر عالمی برادری خصوصاًمسلم امہ مقبوضہ کشمیر میں مسلسل کر فیو اور انسانی حقوق کی سنگین خلاف ورزیوں کا فوری نوٹس لے ۔انہوں نے کہا کہ آج پوری پاکستانی قوم نے یوم یکجہتی کشمیر کے موقع پر کشمیریوں سے جس یکجہتی کا اظہار کیا ہے اور 27 اکتوبر کو بھارتی مظالم کیخلاف ملک بھر میں یوم سیاہ منایا جا رہا ہے ان تاریخی لمحات کی مثال نہیں ملتی انشاء اللہ بہت جلد کشمیریوں کو بھارتی جبر سے نجات ملے گئی ۔
