زکریا یونیورسٹی میں موسم سرما کی تعطیلات کا اعلان کردیاگیا
ملتان(خصوصی رپورٹر)زکریا یونیورسٹی میں موسم سرما کی تعطیلات کااعلان کردیاگیا ۔جاری مراسلے میں کہاگیاہے کہ وائس چانسلر نے اپنے خصوصی اختیارات استعمال کرتے ہوئے موسم سرما کی تعطیلات کا اعلان کردیا ہے۔
جس کے مطابق زکریا یونیورسٹی ملتان کے تمام تدریسی شعبہ جات، سب کیمپس، سینٹرز، انسٹی ٹیوٹ، سکول آف اکنامکس اور کانسٹیچونٹ کالجز 24دسمبر سے 5جنوری2025 تک بند رہیں گے ۔ اس دوران غیر ملکیوں کے علاوہ تمام ہاسٹل (مرد اور خواتین) بند رہیں گے تاہم، تمام انتظامی شعبہ جات، یونیورسٹی لائبریری، تدریسی محکموں کے دفاتر، سب کیمپس، مراکز، سکول آف اکنامکس، انسٹی ٹیوٹ اور کانسٹیٹیونٹ کالج اس مدت کے دوران کھلے رہیں گے ۔
روزنامہ دنیا ایپ انسٹال کریں
