نواز شریف قائد اعظم ؒ کے فرمودات پر عمل پیرا،احمد یارہنجرا
کوٹ ادو(نامہ نگار،تحصیل رپورٹر)ملک بھر کی طرح کوٹ ادو میں بھی مسلم لیگ ن کی جانب سے قائد اعظم ؒکے یوم پیدائش اور ۔
نواز شریف کی 76 ویں سالگرہ کے حوالے سے مقامی میرج ہال میں تقریب ہوئی،تقریب کے مہمان خصوصی مسلم لیگ ن کے ضلعی صدر و سابق صوبائی وزیر جیل خانہ جات ملک احمدیار ہنجرائتھے ۔ ملک احمد یار ہنجرا نے تقریب سے خطاب کرتے ہوئے کہا کہ قائد میاں محمد نواز شریف بانی پاکستان قائد اعظم محمد علی جنا ح کے فرمودات پر عمل کرتے ہوئے استحکام پاکستان خوشحال پاکستان پر حقیقی معنوں میں عمل پیرا ہیں ،ان کا کہنا تھا کہ فتنہ سیاست نے ملک کو معاشی طور پر 25 سال پیچھے دھکیل دیا جس کا خمیازہ آ ج پوری قوم بھگت رہی ہے لیکن وہ دن دور نہیں جب قائد میاں محمد نواز شریف، وزیراعظم پاکستان شہباز شریف،وزیراعلی پنجاب مریم نواز شریف کی قیادت میں ملکی معیشت مزید مستحکم ہوگی،تقریب کے اختتام پر کیک بھی کاٹا گیا،قائد اعظم محمد علی جناح کی سالگرہ کے حوالے سے نیو انصاف سکول میں تقریب منعقد کی گئی ، سابق وفاقی وزیرمملکت ملک غلام رضا ربانی کھر نے بطور مہمان خصوصی شرکت کی۔
