ضلع بھر میں برتھ اور ڈیتھ رجسٹریشن فیس ختم:عمرانہ توقیر
وہاڑی(خبرنگار ،نمائندہ خصوصی، نمائندہ دنیا )ڈپٹی کمشنر وہاڑی عمرانہ توقیر نے کہا ہے کہ وزیراعلیٰ مریم نوازشریف نے۔۔
برسوں سے رائج پیدائش اور اموات کے اندراج کی فیس ختم کردی ہے پنجاب میں برتھ و ڈیتھ رجسٹریشن رولز 2025 نافذ ہو گیا جس کے تحت ضلع بھر میں برتھ اور ڈیتھ رجسٹریشن فیس ختم کر دی گئی اور سرٹیفکیٹ مفت جاری ہوگا شہری یونین کونسل اور میونسپل کمیٹی میں 7سال تک بلامعاوضہ اندراج کراسکتے ہیں اس کے علاوہ برتھ اور ڈیتھ کی لیٹ رجسٹریشن پر کورٹ ڈگری کی شرط بھی ختم کردی گئی ہے ۔ڈپٹی کمشنر عمرانہ توقیر نے مزید کہاکہ شناخت ہر شہری کا بنیادی حق ہے۔ اس لئے حکومت پنجاب نے شہریوں کے لئے آسانیاں پیدا کی ہیں سروسز کے حصول کے لئے ڈیتھ اوربرتھ ڈیجیٹل سر ٹیفکیٹ لازم ہے شہری پیدائش و اموات کا بروقت اندراج کرا کراپنے شہری حقوق کا تحفظ یقینی بنا سکتے ہیں۔
روزنامہ دنیا ایپ انسٹال کریں
