ایم ڈی اے کی غیر قانونی تعمیرات کیخلاف بھرپور کارروائیاں
ملتان (وقائع نگار خصوصی)ڈائریکٹر جنرل ایم ڈی اے رانا سلیم احمد خان کے احکامات پر عملدرآمد کرتے ہوئے ایم ڈی اے انفورسمنٹ ٹیم کی رہائشی پلاٹوں پر کمرشل سرگرمیاں کرنے والے افراد کے خلاف کارروائی۔
ایم ڈی اے انفورسمنٹ ٹیم اور ٹاؤن پلاننگ ڈائریکٹوریٹ نے مشترکہ کارروائی کرتے ہوئے رہائشی پلاٹوں میں غیر قانونی طور پر کمرشل سرگرمیاں کرنے پر نیو شاہ شمس کالونی میں محمد قاسم کے پلاٹ نمبر D-46 کو بلا اجازت کمرشل استعمال پر سیل کردیا،وہاڑی روڈ چاہ جموں والا میں اعجاز حسین کی کمرشل تعمیرات کو بوجہ خلاف ورزی نقشہ سیل کردیا، بہاولپور چوک روڈ پر محمد اکرم کی کمرشل دکانات کو سربمہر کر دیا،ناردرن بائی پاس روڈ اراضی سینٹر پرمحمد ناصر کا برف خانہ سیل کردیا، ناردرن بائی پاس روڈ نزد واپڈا ٹاؤن فیز 2 پر سعید ربانی کی کمرشل دکانات کو سربمہر کر دیا، عسکریہ بائی پاس پر چودھری لال دین کی دکان کو سیل کردیا گیا،اور آفیسرز کالونی پلاٹ نمبر 8 پر محمد سلیم اقبال کے شادی ہال کو بھی سیل کردیا گیا۔
