سانحہ پشاور مسجد میں شہید ہونے والوں کی یا د میں تقریب
جوہرآباد(نمائندہ دُنیا )ضلعی اانتظا میہ خوشاب کے زیراہتمام سرور شہید لائبریری پارک جو ہر آ باد میں سانحہ پشاور مسجد میں شہید ہونے والوں کی یا داور ان کی روح کے ایصال ثواب کیلئے گذ شتہ شام ایک تقر یب کا انعقاد کیا گیا۔
تقریب میں ایڈ یشنل ڈپٹی کمشنر (ریونیو)ڈاکٹر محمد حسان طارق،ایڈیشنل ڈپٹی کمشنر (جنرل) احمد صہیب ،اسسٹنٹ کمشنر خوشاب اشفاق رسول،ڈپٹی ڈائریکٹر سوشل ویلفیئر امتیاز احمد مانگٹ،ڈی ایس پی محمد عباس،دیگر افسران کے علاوہ انجمن تاجران کے رانا سلیم الرحمن ،خطیب جامع مسجد مولا نا اظہار الحسن ،میڈیا پرسنز اور مختلف شعبہ ہائے زندگی کے لوگوں نے شرکت کی۔سرور شہید پارک میں پشاور مسجد شہدا کی یاد میں گلد ستے رکھے گئے ،پھولوں کی پتیاں نچھا ور کی گئیں اور شمعیں روشن کی گئیں۔مولا نا اظہار الحسن نے شہدا کی روح کے ایصال ثواب،پاکستان کی سلامتی و ترقی کیلئے خصوصی دعا کر وائی۔
