مہنگائی کی وجہ سے روزمرہ زندگی شدید متاثر ہوئی ،خواتین
سرگودھا(نامہ نگار)مہنگائی کی وجہ سے روزمرہ زندگی شدید متاثر ہوئی ہے ’ کاش حکومت کو عوام کی مشکلات کا احساس ہو جائے ’ انتظامیہ کی طرف سے لگائے گئے سستے بازار بھی فیل ہو چکے ہیں۔
’ نہ سکیورٹی نہ نظم و نسق اور ملاوٹ شدہ اشیاء اور مہنگے داموں فروخت سے گھر کا بجٹ اور صحت دونوں تباہ ہو چکے ہیں’ ان خیالات کا اظہار لیاقت مارکیٹ میں لگنے والے جمعہ بازار میں خریداری کے لئے آئی خواتین نے گفتگو کرتے ہوئے کیا’ انکا کہنا تھا کہ سستے بازار وں میں ناقص اشیاء اور دو نمبر چیزوں کی بھرمار کی وجہ سے مایوسی ہوئی’ کم معیارکی چیزوں کے ریٹ آسمان سے باتیں کر رہے ہیں’ جس کی وجہ سے یہاں چکر لگا نا بھی فضول لگا، انتظامیہ کو چاہیے کہ وہ دکاندار کو خالص اور معیاری چیزیں مناسب داموں فروخت کرنے کا پابند بنائے تا کہ غریب لوگوں کو بھی ریلیف مل سکے۔
روزنامہ دنیا ایپ انسٹال کریں
