لیبر قوانین پر عملدرآمد ،مقررہ اجرت کی ادائیگی مشکوک قرار
سرگودھا(سٹاف رپورٹر )لیبر قوانین پر عملدرآمد کے ساتھ ساتھ مقررہ اجرت کی ادائیگی یقینی بنانے کے حوالے سے ضلعی کمیٹیوں کے اعد ا د و شمار مشکوک قرار دیدی گئی۔
جس سے متعلقہ اداروں کی کارکردگی سوالیہ نشان بن کر سامنے آئی ہے ،اس حوالے سے سرگودھا سمیت ریجن بھر میں قائم ضلعی ویجی لینس کمیٹیاں کی کارکردگی کا اندازہ اس امر سے لگایا جا سکتا ہے کہ کمیٹیوں کی میٹنگز شیڈول کے مطابق انعقاد پذیر نہیں ہورہیں ،ویجی لینس کمیٹیوں کی سفارشات متعلقہ شعبوں کی الماریوں کی زینت بن کر رہ گئی ہیں جبکہ صنعتی یونٹس بالخصوص ورکشاپس ،ہوٹلوں ،دوکانوں پر کام کرنیوالے محنت کشوں اور دیگر نجی اداروں کے ملازمین کو مقرر اجرت کی ادائیگی اور بنیادی سہولیات کی فراہمی بابت اقدامات نا کافی ہونے سے ان کے مسائل کم ہونے کی بجائے بڑھ رہے ہیں، بالخصوص مہنگائی کی موجودہ صورتحال میں نجی ملازم اور مزدور پس کر رہ گیا ہے ، سرمایہ دار کو قوانین کا پابند بنانے کے حوالے سے مناسب حکمت عملی اختیار نہ کئے جانے کے باعث شکایات بھی بڑھ رہی ہیں، مزدوروں و نجی ملازمین نے صوبائی حکومت سے نوٹس لینے کا مطالبہ کیا ہے ۔
