کندیاں‘چشمہ میں بھکاری شہریوں کیلئے درد سر بن گئے

کندیاں‘چشمہ میں بھکاری شہریوں کیلئے درد سر بن گئے

کندیاں(نمائندہ دنیا)کندیاں انسدادِ گدا گری ایکٹ پر عملدرآمد نہ ہونے کے باعث کندیاں ، چشمہ اور گردونواح میں بھکاریوں کی بڑی تعداد شہریوں کیلئے درد سر بن چکے ہے بھکاریوں کی بڑی تعداد چوری ڈکیتی کی وارداتوں سے بھی گریز نہیں کرتی۔۔

بازاروں میں خواتین کے پرس نکالنا معمول بنا لیا ہے ،جبکہ گلی محلوں میں بھی بھکارنیں بھیک مانگنے کے بہانے گھروں میں داخل ہوکر وارداتیں کرنے سے بھی اجتناب نہیں کرتیں گزشتہ روز کندیاں المعصوم چوک پر زرعی اجناس کی دوکان سے بھکاری عورت دکان سے ایک لاکھ سے زائد رقم چوری کرکے فرار ہو گء تھی جبکہ کندیاں شہر میں گدا گری کی آڑ میں جسم فروشی کا دھندہ بھی جنم لے رہا ہے شہریوں نے ضلعی انتظامیہ سے انسدادِ گدا گری ایکٹ پر عملدرآمد کو یقینی بنانے کا مطالبہ کیا ہے ۔

 

Advertisement
روزنامہ دنیا ایپ انسٹال کریں