ڈپٹی کمشنر ،سی او میونسپل کمیٹی کا علی الصبح شہر کا تفصیلی دورہ
میانوالی (نامہ نگار )ڈپٹی کمشنر خالد جاوید گورائیہ اور ایڈمنسٹریٹر میو نسپل کمیٹی میانوالی سلمان احمد لو ن کی ہدایت پر چیف آفیسر میونسپل کمیٹی میانوالی رانا محبو ب عالم کا علی الصبح شہر کے مختلف علاقوں کا دورہ کیا ۔
سی او ایم سی نے ایم سی عملہ کی حاضری کو چیک کیا اور وتہ خیل، گلبر گ، جہاز چوک، سٹی پارک، کشمیر پارک سمیت شہر کے مختلف علاقوں کا دورہ کیا اور صفائی ستھرائی کے نظام کا معائنہ کیا۔ انھوں نے محلہ قادر آباد کا بھی دورہ کیا اور عملہ صفائی کے جانب سے نالے کے صفائی کے کاموں کا معائنہ کیا۔ انہوں نے ایم سی عملہ کوہدایت کی کہ مین روڈز کے اطراف سے جہاں پر تجاوزات نظر آئے انہیں فوری طور پر ختم کیا جا ئے اور روزانہ کی بنیادوں پر سڑکوں، گلی محلوں، پارکوں میں ڈیوٹی روسٹر کے مطابق صفائی ستھرائی کے نظام کو یقینی بنا یا جا ئے ۔انہوں نے کہا کہ صبح سویرے شہر کی مین سڑکوں پر پا نی کا چھڑکاؤ کیا جا ئے اور روڈ ز کے درمیان سنٹر میڈیم لائن میں لگے پودوں کو روزانہ کی بنیادوں پر پا نی فراہم کیا جا ئے ۔
