آر پی او کی زیر صدارت ڈی پی او آفس میں کرائم میٹنگ

جوہرآباد(نمائندہ دُنیا )ریجنل پولیس آفیسر سرگودہا ریجن سرگودہا محمد شہزاد آصف خان کی زیر صدارت ڈی پی او آفس جوہرآباد میں کرائم میٹنگ کا انعقادہوا۔
ڈی پی او خوشاب توقیر محمد نعیم بھی موجود تھے ۔ میٹنگ میں آرپی او سرگودہا محمد شہزاد آصف خان نے جرائم کے خاتمے ، مقدمات کی تفتیش اور پولیس ورکنگ کا جائزہ لیا ، ڈی ایس پی ہیڈکوارٹر ، ڈی ایس پی صدر سرکل، ڈی ایس پی قائدآباد، ڈی ایس پی نورپور سرکل، انسپکٹر لیگل اور تمام تھانوں کے ایس ایچ او ز نے شرکت کی ۔ دوران میٹنگ تمام مقدمات کی پراگرس کو چیک کیا گیا اور ملزمان کی جلد گرفتاری ، مال مقدمہ کی بر آمدگی اور تفتیش کو جلد مکمل کرنے کا ٹاسک دیا گیا اور سکیورٹی کے سخت انتظامات کے بارے ہدایات کی گئیں ۔