وفاقی وزیر توانائی سے کنٹری ڈائریکٹر ورلڈ بینک اور ماہرین کی ملاقات
اسلام آباد: (دنیا نیوز) وفاقی وزیر توانائی سردار اویس احمد خان لغاری سے کنٹری ڈائریکٹر ورلڈ بینک اور ماہرین کی ملاقات ہوئی۔
ملاقات میں مٹیاری ۔ مورو ۔ رحیم یار خان ٹرانسمیشن لائن منصوبے پر وفاقی وزیر توانائی اور عالمی بینک کے ماہرین نے تبادلہ خیال کیا۔
ورلڈ بینک کے ماہرین کے ساتھ ملاقات میں منصوبے کی فزیبلٹی اور فوائد پر تفصیلی گفتگو ہوئی، وزیرِ مملکت عبدالرحمان کانجو بھی ملاقات میں شریک تھے۔
ملاقات میں منصوبے کے مختلف پہلو زیرِ بحث آئے، وفاقی وزیر توانائی نے نیشنل ٹرانسمیشن اینڈ ڈسپیچ کمپنی کے کنٹرول کی اہمیت پر زور دیا گیا۔
پاکستان کی توانائی کی پائیداری کے لیے کلیدی اہمیت کا حامل منصوبہ ہے، منصوبے کی کامیابی کیلئے "رائٹ آف وے" کے مسئلے کے مؤثر حل کی ضرورت ہے، اس منصوبے کا مقصد پاکستان کے توانائی کے نظام میں بہتری لانا ہے۔
