رضوان کا سڈنی کرکٹ گراؤنڈ میوزیم کو کیپنگ گلوز اور شرٹ کا عطیہ
سڈنی: (ویب ڈیسک) پاکستان کرکٹ ٹیم کے کپتان محمد رضوان نے اپنے کیپنگ گلوز اور شرٹ سڈنی کرکٹ گراؤنڈ میوزیم کو عطیہ کر دی۔
محمد رضوان نے سڈنی میں آسٹریلیا کھیلے جانے والے دوسرے ٹی 20 میچ کے بعد گلوز اور شرٹ میوزیم کو عطیہ کی۔
سڈنی کرکٹ گراؤنڈ میوزیم کی انتظامیہ نے گلوز اور شرٹ عطیہ کرنے پر محمد رضوان کا شکریہ ادا کیا۔
واضح رہے کہ پاکستان اور آسٹریلیا کے درمیان دوسرا ٹی 20 میچ ہفتے کو سڈنی کرکٹ گراؤنڈ میں کھیلا گیا تھا، اس میچ میں آسٹریلیا نے پاکستان کو 13 رنز سے شکست دی تھی۔
