سلمان آغا نے اپنا ''مین آف میچ کا ایوارڈ'' صائم کو دیدیا
پارل: (ویب ڈیسک) جنوبی افریقا کیخلاف سیریز کے پہلے ون ڈے میں مڈل آرڈر بیٹر سلمان آغا نے اپنا "مین آف دی میچ" کا ایوارڈ اوپنر صائم ایوب کو دیدیا۔
گزشتہ روز پارل میں کھیلے گئے میچ میں پاکستان نے جنوبی افریقا کو 3 وکٹوں سے ہرا کر پہلا ون ڈے میچ اپنے نام کیا، اس میچ میں اوپنر صائم ایوب نے سنچری سکور کی جبکہ سلمان آغا نے 82 رنز کی ناقابل شکست اننگز کھیلی۔
سلمان علی آغا کو شاندار کھیل کا مظاہرہ کرنے پر پلیئر آف دی میچ کے ایوارڈ سے نوازا گیا تاہم انہوں نے نوجوان اوپنر صائم ایوب کو اپنا ایورڈ دیکر انکی اننگز کو سراہا۔
