آئی ٹی پارکس، سافٹ ویئر ہاؤسز، سپیشل ٹیکنالوجی زون کو بلا تعطل انٹرنیٹ سروس فراہم کرنے کا فیصلہ
اسلام آباد: (دنیا نیوز) ملک بھر کے آئی ٹی پارکس، سافٹ ویئر ہاؤسز، سپیشل ٹیکنالوجی زون کو بلا تعطل انٹرنیٹ سروس فراہم کرنے کا فیصلہ کر لیا گیا۔
وزارت آئی ٹی کی طرف سے بلا تعطل انٹرنیٹ سروسز کی فراہمی سے متعلق پالیسی فریم ورک پر کام شروع ہو گیا، وزارت آئی ٹی متعلقہ اسٹیک ہولڈرز، پی ٹی اے کے ساتھ پالیسی پر مشاورت کرے گی۔
ذرائع کے مطابق پالیسی کے تحت انکیوبیشن سینٹر، ڈیٹا کال سینٹرز کو بلا تعطل انٹرنیٹ فراہم کیا جائے گا، انٹرنیٹ کی بندش سے تمام آئ ٹی پارکس، ٹیکنالوجی زون کو استثنیٰ حاصل ہوگا۔
انٹرنیٹ بند ہونے کی صورت میں بھی آئی ٹی پارکس، ڈیٹا سینٹرز کو انٹرنیٹ کی فراہمی یقینی بنائی جائے گی، پی ٹی اے پالیسی پر عملدرآمد کے لیے تکنیکی مدد فراہم کرے گا۔
