افغان باؤلر نوین الحق کے اوسان خطا، 13 گیندوں کا اوور کرا ڈالا
ہرارے: (ویب ڈیسک) افغانستان کے فاسٹ باؤلر نوین الحق زمبابوے کے خلاف پہلے ٹی 20 میں لائن لینتھ بھول گئے اور 6 گیندوں کا اوور 13 گیندوں کا کرایا۔
زمبابوے اور افغانستان کے درمیان ٹی 20 میچ میں افغانستان نے پہلے کھیلتے ہوئے 6 وکٹوں کے نقصان پر 144 رنز بنائے۔
زمبابوے کی اننگز کے دوران افغان باؤلر نوین الحق ایسی لائن لینتھ بھولے کہ ایک اوور میں 6 وائیڈ اور ایک نو بال پھینک ڈالی، نوین الحق کو اس اوور میں ایک وکٹ بھی ملی تاہم انہوں نے اس اوور میں 19 رنز دیئے۔
زمبابوے نے 145 رنز کا ہدف میچ کی آخری گیند پر 6 وکٹوں کے نقصان پر پورا کیا تاہم افغانستان نے سیریز کے باقی 2 میچ جیت کر زمبابوے کے خلاف ٹی 20 سیریز اپنے نام کر لی۔
