پاکستان انڈر 19 ٹیم مسونگو سے بولاوائیو پہنچ گئی
بولاوائیو: (ویب ڈیسک) پاکستان انڈر 19 کرکٹ ٹیم آئی سی سی انڈر 19 ورلڈ کپ میں شرکت کے لیے مسونگو سے بولاوائیو پہنچ گئی۔
ٹیم مسونگو سے روانہ ہو کر بولاوائیو پہنچ گئی جہاں وہ ایونٹ سے قبل اپنی تیاریوں کو حتمی شکل دیں گے۔
ذرائع کے مطابق پاکستان اور بنگلہ دیش انڈر 19 ٹیموں کے درمیان پہلا وارم اپ میچ بارش کے باعث مکمل نہ ہو سکا جس کے سبب دونوں ٹیمیں بھرپور پریکٹس سے محروم رہیں۔
— Pakistan Cricket (@TheRealPCB) January 11, 2026
پاکستان انڈر 19 ٹیم اپنا دوسرا وارم اپ میچ منگل 13 جنوری کو بولاوائیو میں امریکا کے خلاف کھیلے گی جس میں کھلاڑیوں کو میگا ایونٹ سے قبل اپنی صلاحیتوں کا مظاہرہ کرنے کا موقع ملے گا۔
واضح رہے کہ آئی سی سی انڈر 19 ورلڈ کپ کا آغاز 15 جنوری سے ہوگا جبکہ پاکستان ٹیم اپنا پہلا میچ 16 جنوری کو ہرارے میں انگلینڈ کے خلاف کھیلے گی۔
