سیکڑوں فلموں میں وِلن کا کردار ادا کرنے والے ظاہر شاہ کی آج 17 ویں برسی
لاہور: (دنیا نیوز) سیکڑوں فلموں میں وِلن کا کردار بخوبی نبھانے والے اداکار ظاہر شاہ کی آج 17 ویں برسی ہے۔
سلور سکرین پر بطور وِلن اپنے فن کا جادو جگانے والے سینئر اداکار ظاہر شاہ سرگودھا میں پیدا ہوئے، اپنی طرز کے منفرد اداکار ظاہر شاہ 44 برس تک فلمی صنعت سے وابستہ رہے، اداکار نے اپنے کیرئیر میں 600 سے زائد فلموں میں اداکاری کے جوہر دکھائے۔
معروف اداکار ظاہر شاہ نے سلطان راہی مرحوم کیساتھ بطور ولن لاتعداد فلموں میں اداکاری کی، ان کی یادگار فلموں میں مچلے خان، اقبالِ جرم، مسٹر افلاطون، بابل ویر، دوستی تے دشمنی، راکا، بھریا میلہ، زباٹہ، سائرن اور دیگر شامل ہیں۔
ظاہر شاہ چند فلموں میں بطور ہیرو بھی جلوہ گر ہوئے جن میں ریمانڈ، یاری دوستی اور قسم خون دی نمایاں ہیں، اپنی طرز کے منفرد اداکار ظاہر شاہ 4 دہائیوں سے زائد عرصہ تک فلمی صنعت سے وابستہ رہے، فلمی دنیا کا چمکتا ستارہ 13 جون 2017ء کو دل کا دورہ پڑنے سے مداحوں کی نظروں سے ہمیشہ کیلئے اوجھل ہوگیا۔
